Мақпал Жүнісова Роза Рымбаеваны қатаң сынға алды

Көрлімі: 33294

nf_DF59G20d.jpg

Ал ашуға мінген Мақпал Жүнісова замандасы әрі әріптесі Роза Рымбаеваның пікірімен түбегейлі келіспейтінін мәлімдеді. Ол Роза Қуанышқызын талай тойдан көргенін алға тартып, жастарды орынсыз сынамауға шақырды.

“Тойдың әншісі не болмаса сахнаның әншісі деп бөлуге болмайды. Жалпы тойда болған халық – концертке келетін де халық. Сонда тойдағы халықтың деңгейі төмен деп айтуға бола ма? Қаншама біздің жақсыларымыз аналарының 60 жасы, 80 жасы, алтын тойы, күміс тойына шақырады. Сонда 10 бала көтерген асыл аналарымыздың деңгейі төмен ба? Неге біз ол жерге барғанымызды намыс деп санауымыз керек? Неге тойдың әншісі деп бөлуіміз керек? Жалпы Роза апамыздың әңгімесі дұрыс әңгіме емес. Ол кісі де тойда ән айтып жүр, талай тойда өз көзіммен көрдім. Онда біз де оған “тойдың әншісі” деп айтайық.

Жалпы жастар былапыт өлең айтпаса болды деп ойлаймын. Көңіл көтеретін, мерекеде ән салып жүрген жастарды жоққа шығаруға болмайды. Болмайтын, боғауыз әндерді айтып жүргендер де бар. Соларды жөнге салу керек. Ол баланың (авт. Ернар Айдар) дикциясы өте жақсы, қазақтың әрбір сөзін жақсы айтады. Талпынып жүрген еңбекқор бала. Ол жағын да атап өту керек. Бәріміз де жас болғанбыз. Бірде бармыз, бірде жоқпыз дегендей, сыйласып өткенге не жетсін?!” – деп пікір білдірді Халық артисі.

®RG media - ақпараттық агенттігі
Бөлісу тақырыбы: Мақпал Жүнісова Роза Рымбаеваны қатаң сынға алды