Мемлекеттік қызметшілердің отбасыларына арналған "Ашық есік" күні өтті

Көрлімі: 48

Screenshot_1.jpg

Қазақстан Республикасының мемлекеттік қызмет істері және сыбайлас жемқорлыққа қарсы іс-қимыл Агенттігінің 2018 жылға арналған қоғамда сыбайлас жемқорлыққа қарсы мәдениетті қалыптастырудың кешенді жоспарына сәйкес, «Отбасы күніне» орай, Шымкент қалалық жергілікті атқарушы органдарда «Ашық есік» күні өткізілді.

Мемлекеттік қызметте еңбек етіп жүрген мамандардың туған-туыстары осы күні мемлекеттік органдарға кіріп, ондағы соңғы жаңалықтармен, жалпы мемлекеттік қызметтің күнделікті тыныс-тіршілігімен, туыстарының жұмыс істейтін істерімен жақынырақ таныса алды.

Отбасы мүшелері бұл күні мемлекеттік қызметшілерге және олардың әріптестеріне жұмыста табыс тілеп, жылы лебіздерін білдіріп, естелікке суретке түсті.

Сондай-ақ, мемлекеттік қызметшілердің ұл-қыздарының арасында болашақта мемлекеттік қызмет атқаруға ниет білдіргендер де болды.

Өнегелі отбасы – қоғам байлығы. Отбасында бақытты болған жан қызметте де үлкен жетістіктерге жетеді. Кез-келген адам қолдауды, көмекті де отбасында сезінеді. Сондықтан-да, өткізілген бұл акция қоғамдағы отбасы рөлін айқындап, мемлекеттік қызметшілердің отбасыларына мемлекеттік қызмет туралы көбірек ақпарат алуға мүмкіндік берді