Шымкенттегі Қазақстан халқы Ассамблеясының ғимаратында мемлекеттік қызметшілердің кәсіби мерекесіне және мемлекеттік қызмет органдарының 20 жылдығына арналған салтанатты іс-шара өттi. Жиынға Түркiстан облысының әкімі Ж.Түймебаев, Шымкент қаласының әкiмi Ғ.Әбдiрахымов, ҚР семлекеттік қызмет істері және сыбайлас жемқорлыққа қарсы іс-қимыл агенттігінің облыстық департаментінің басшысы Ә.Көмекбаев, мәслихат депутаттары және 900-ге жуық мемлекеттік қызметші қатысты. Жиында өңір басшысы бiрқатар мемлекеттiк қызметкерлердi облыс әкiмiнiң грамотасымен марапаттады. Сондай-ақ, «Үздiк мемлекеттiк қызметшi» төсбелгiсiн тапсырды. Мемлекеттік қызметтің маңыздылығына тоқталған Ғабидолла Әбдірахымов «Жаңа статус — бұл жаңа мүмкіндіктер ғана емес, қала тұрғындарына жүктелетін зор жауапкершілік. Бірге жұмыс істесек қана Шымкентті жаңа белеске шығарамыз. Біздің мақсатымыз — Шымкентті Астана мен Алматы қалаларының деңгейіне жеткізу. Егер біз бір отбасының мүшесіндей жұмылсақ, бұл мақсатқа жететінімізге сенемін», — деді.
Қала əкімі бұған қоса жаңа статусқа байланысты және Елбасының «Ұлт жоспары 100 нақты қадамына» сәйкес мегаполис əкімдігі қызметкерлерінің жалақысы көтерілетінін айтты. Басқармалар құрылған соң конкурс жарияланып, жұмысқа үздік қызметкерлер қабылданатынын мәлімдеді. Сондай-ақ, жиында ҚР мемлекеттік қызмет істері және сыбайлас жемқорлыққа қарсы іс-қимыл агенттігінің өңірлік департаментінің басшысы Ә.Көмекбаев та бiрқатар мемлекеттiк қызметкерге департаменттiң грамотасын табыс еттi.