«Скат» Шымкентте құрылыс бастайды

Көрлімі: 96

587.jpg

Әйгілі «Скат» әуекомпаниясы Шымкентпен іскерлік қарым-қатынас орнатты. Компания өкілдері «Шымкент қаласы əуежайында жаңа жолаушылар терминалының құрылысы» жобасы жүзеге асырылатын болады. Жақында қала әкімі Ғ.Әбдірахымов «СКАТ» əуекомпаниясы» АҚ төрағасы президенті Владимир Денисовпен меморандумға қол қойды.  «Бұл жоба Шымкент əуежайында жолаушыларды өткізу қабілетін арттыру үшін терминал салу қажеттілігі туындауына байланысты қолға алынды. «СКАТ» əуекомпаниясы» АҚ жеке инвестор ретінде жаңа терминалды өз есебінен салуға қызығушылық танытып отыр. Осыған байланысты қала әкімдігі тарапынан терминал құрылысына 2,8 гектар жер телімі бөлінді», – деді шаһар басшысы.

   Шымкент республикалық маңызы бар қалалар қатарына қосылғалы шаһарымызға отандық жəне шетелдік туристер көптеп келуде. Қалаға туристердің көптеп келуіне байланысты Ғ.Рахматоллаұлы инвесторды меморандум аясында құрылыс жұмыстарын ертерек бастауға және үзіліссіз жалғастырып, 2020 жылдың алғашқы жартыжылдығында пайдалануға беруге шақырды. Инвестиция көлемі 50 млн АҚШ долларын құрайды.  Жаңа терминал құрылысы бірнеше кезең бойынша жүргізіледі. Алдымен «СКАТ» өз қаржысы есебінен көлемі 2,8 га жер теліміне жаңа терминал құрылысын жүргізеді. Содан кейін көлемі 7 га жерге әуе кемелеріне арналған перрон кеңейтіледі. Ал жол құрылысы және инженерлік желілерді қайта құру, әуежай алдындағы автотұрақты және вокзал алды алаңының құрылысын, абаттандыру жұмыстары қала әкімдігі тарапынан жүргізілетін болады.

 

 


®RG media - ақпараттық агенттігі
Бөлісу тақырыбы: «Скат» Шымкентте құрылыс бастайды