Заң "Дін мен дәстүр үйлесімі және ұрпақтар сабақтастығы" тақырыбында жиын өтті

image_750x_5b1a3a81b54d8.jpg

Дін мәселесі – тек қатардағы қарапайым азаматтарды ғана, бүкіл мемлекет құрылымын толғандырады. Әрбір билік басындағы басшы дін мәселесіне келгенде жырақтап қалуға болмайды.

Осыған орай, кеше Оңтүстікте облыс әкімі Жансейіт Түймебаевтың қатысуымен діни терроризм мен экстремизді болдырмау мақсатында «Рухани жаңғыру: Дін мен дәстүр үйлесімі және ұрпақтар сабақтастығы» тақырыбында жиын өтті. Шараға қала әкімі мен облыстық мәслихат депуттары,  зиялы қауым өкілдері мен ардагерлер, сондай-ақ саяси партиялардың жетекшілері және дін қызметкерлері, БАҚ өкілдері қатысты. Басқосудың негізгі мақсаты – дін мен дәстүр тақырыбында ашық пікір алмасу, ұсыныстар айту.

Аймақ басшысы Жансейіт Қансейітұлы іс-шараға жиналған көпшілікті қасиетті Рамазан айымен құттықтап, тақырып аясында ойын ортаға салды.

«Елбасымыздың «Болашаққа бағдар: Рухани жаңғыру» бағдарламалық мақаласында рухани жаңғыруды - «тарлан тарихтың, жасампаз бүгінгі күн мен жарқын болашақтың көкжиектерін үйле¬сімді сабақтастыратын ұлт жадының тұғыр¬намасы» деп атап көрсетті.  Дін  де, дәстүр де қоғам да тыныштық пен татулықтың,  бірлік-ынтымақ пен сыйластықтың салтанат құруына қызмет етеді. Қазақы санадағы «ұят», «обал», «сауап», «құт», «кие», «аманат», «ынсап» секілді іргелі ұғымдар ұлттық тәрбиемізде алтын тіндей үзілмей, ғасырлар бойында жалғасып келеді. Әсіресе, соңғы жылдары асыл дінді ұлттық дәстүрмен үйлестіре ұстанудың маңызы арта түсуде», - деді Жансейіт Түймебаев.

Сондай-ақ, келелі кездесуде өңір басшысы қазіргі таңда дін мен дәстүр сабақтастығы артып, той-томалақ пен діни рәсімдерде ысырапқа жол бермеуге көңіл бөлініп жатқандығын жеткізді.

«Мешіттер белгіленген тәртіппен салынып, жаназа рәсіміндегі жөнсіз әрекеттер де бір ізге келтірілуде. Жер-жерлерде «Ақылдастар алқасы» құрылып сөзі өтімді, беделді азаматтардың қатысуымен арнайы кездесулер ұйымдастырылып, оң істі қолдаушылар көбейіп жатыр. Мұның бәрі ілгерілеудің, қоғамда дұрыс діни сана қалыптаса бастағандығының көріністері», - деді Жансейіт Қансейітұлы.


Мүмкін сізді қызықтыратын тақырыптар:

  • Шымкентте «Базар жастар лигасы» шарасы өтті
  • Конституция – адам бостандығы мен құқықтарының қорғаушысыАта Заң - Тәуелсіздік құндылығы!
  • Тура жолдан адаспау - басты мақсат
  • Сайрамды қылмыс деңгейі төмендеп келеді
  • Керуен жұмысы тиімділігін көрсетуде
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер