Арыста ауыл әкімдігіне "Нива" көлігі берілді

Screenshot_4.jpg

Түркістан облысы, Арыс қаласының орталық Әл-Фараби алаңында дәстүрге айналған «Алтын күз» жәрмеңкесі ұйымдастырылды. Бұл жөнінде Арыс қаласы әкімінің баспасөз қызметі хабарлайды.

Қала әкімінің орынбасары Е.Ақтаев, зиялы қауым өкілдері шаруалардың өндірген өнімдерімен танысып, жәрмеңкені аралап, тұтынушылармен жүздесті. Аталған жәрмеңкеде ақшаңқан киіз үйлер тігіліп, ауыл еңбеккерлері өндірген өнімдерден ұлттық тағамдар әзірленді. 

Жәрмеңке қалалық мәдениет үйінде салтанатты жиынға ұласты. Салтанатты шара барысында шаһар басшысының орынбасары Е.Ақтаев мерекеге орай тұрғындарға ізгі тілегін білдіріп, Елбасының тапсырмаларымен мемлекеттік бағдарламаларды іске асыруда, қаламыздың жаңарып, гүлденуіне, әлеуметтік экономикалық дамуына ерекше үлес қосқан азаматтарға, еліміздің ен байлығын тасқындатуға ерен еңбектің үлгісін көрсеткен дала еңбеккерлеріне «Еңбек даңқы» белгісімен, «Алғыс хат» және «Құрмет грамотасымен» марапаттап, бағалы сыйлықтар табыс етті. 

Ауыл шаруашылығы өнімін өндіруде жоғары нәтиже көрсеткені үшін «Алтын күз-2018» жеңімпазы Қожатоғай ауылдық округ әкімдігіне су жаңа «Нива» автокөлігінің кілті салтанатты түрде табыс етті. 

Арыс аспанын әнге бөлеген мереке одан әрі концерттік бағдарламаға ұласып, қаламыздың әншілері жиналған қауымға өнер көрсетіп, ән-биден шашу шашты.

Мүмкін сізді қызықтыратын тақырыптар:

  • Шымкентте «Базар жастар лигасы» шарасы өтті
  • Конституция – адам бостандығы мен құқықтарының қорғаушысыАта Заң - Тәуелсіздік құндылығы!
  • Тура жолдан адаспау - басты мақсат
  • Сайрамды қылмыс деңгейі төмендеп келеді
  • Керуен жұмысы тиімділігін көрсетуде
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер