Қазақстан мен Грузия арасындағы сыртқы сауда айналымы ұлғайды

89.jpgШара 2018 жылғы 24 қыркүйек күні «Radisson Blu» қонақүйінде өтеді. Қолдау көрсетуші – Грузия Республикасындағы Қазақстан Республикасының Елшілігі.

Форумның негізгі мақсаты – қазақстандық кәсіпорындар мен потенциалды грузиялық сатып алушылар арасында тікелей байланыс орнату, сауда қатынасын іске қосу. Қазақстандық делегацияның құрамында тау-кен, құрылыс және машина жасау салаларындағы ірі компаниялар бар. Сауда-экономикалық миссия аясында Қазақстанның Сыртқы палатасы мен Грузияның Сауда-өнеркәсіп палатасы арасында Меморандумға қол қою жоспарланған.

Қазіргі таңда Қазақстан Грузияға мұнай өнімдерін, азот тыңайтқышын, макарон өнімдерін, темірден жазық прокат, темекі, тоңазытылған балық, дәрі-дәрмек экспорттайды. Грузиядан Қазақстанға импортталатын тауарларға шарап, алкольсіз сусындар мен сулар, спирттік тұндырма, металл құбырлар, вакциналар, сүт пен қойылтылған кілегей жатады.

2017 жылы өзара сауданың өсу қарқыны ұлғая түскен. Осылайша, 2018 жылғы қаңтар мен шілде айларының аралығындағы нәтижелерге сәйкес, Қазақстан мен Грузия арасындағы сыртқы сауда айналымы ұқсас мерзіммен салыстырғанда 67% өсіп, 77 млн теңгені құрады.


Мүмкін сізді қызықтыратын тақырыптар:

  • Дін мен діншілдік тақырыбы талқыланды
  • Қазақстан мен Өзбекстан арасында медициналық қарым-қатынас тереңдей түспек
  • Жеңіс күніне орай ардагерлер мен полицейлер арасында турнир өтті
  • 17 жылда 7 түрлі лауазымда қызмет атқарған Ерлан
  • Елімізде жеке құжат алу үшін жаңа салық енгізілді
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер