Қазығұрттық бағбан 8 наурыз мерекесінде 50 мың гүлді сатылымға шығармақ

f39b226d6d5db104520d340658666f39.jpg

Түркістан облысы Қазығұрт ауданында тұратын кәсіпкер 8 - наурыз Халықаралық әйелдер мерекесі қарсаңында 50 мың дана раушан гүлін сатылымға шығармақ.

«Гул Мансур» ЖШС-нің 1,5 гектар жылыжайында бүгінде «Черная магия» тұқымды раушан гүлі күтіп, бапталуда, деп мәлімдейді Түркістан облысы әкімдігінің баспасөз қызметі.

Гүл өсірумен айналысатын шаруа қожалық 2013 жылы екі жанұяның бірігуімен құрылған. Жобаның кұны 15 млн теңгені құрайды. Қазіргі таңда серіктестіктің меншігінде 2,5 гектар егістік жер бар. Оның 1,5 гектары жылыжай. Онда «Черная магия» тұқымды раушан гүлі өсіріледі. Қожалық иесі гүлдерге сұраныс жыл өткен сайын артып келе жатқанын айтады.

«Гүлді алғаш рет 2013 жылы 0,40 гектарға егіп көрген болатынбыз. Нәтижесінде гүлге деген сұранысты байқап, жылыжай көлемін 1,5 гектарға дейін ұлғайттық. 2018 жылы 45 мың дана гүл дайындалып, ауыл, аудан және облыс көлемінде сатылымға шығарып, табысқа кенелдік. Биыл түсім одан да жақсы болады деген үміттеміз», – дейді қожалық иесі.

Қожалық бүгінде 4 адамды жұмыспен қамтып отыр. Маусым кезінде мұндағы жұмысшылар саны 25-ке жетеді. Әрбір қызметкерге 70 мың теңге көлемінде еңбекақы төленеді.

Мүмкін сізді қызықтыратын тақырыптар:

  • Дін мен діншілдік тақырыбы талқыланды
  • Қазақстан мен Өзбекстан арасында медициналық қарым-қатынас тереңдей түспек
  • Жеңіс күніне орай ардагерлер мен полицейлер арасында турнир өтті
  • 17 жылда 7 түрлі лауазымда қызмет атқарған Ерлан
  • Елімізде жеке құжат алу үшін жаңа салық енгізілді
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер