Түрі органда жұмыс істейтін адамға ұқсайтын Сәдібеков жемқор директорды қалай ұстамақ болды?

Көрлімі: 836

Уласбек-Садибек.jpg

Жақында Түркістан облысы әкімінің орынбасары Ұласбек Сәдібеков қалада таксиге мініпті. Содан ол шопырды «көлігің қай жылғы» дегендей сұрақтармен әңгімеге тартқан. Жанды жерін тырнады ма, таксист ашуланып шыға келіпті. «Менің бұдан да мықты көлігім бар еді. Бірақ, әйелімді мектепке жұмысқа орналастыру үшін 1 миллион теңге керек болды. Амал жоқ, бұрынғы мәшинемді сатып, орнына осыны алдым» деп дүрсе қоя береді. Әрине, Сәдібековке емес, жемқор директорға. Содан Сәдібеков жайлап сұрамай ма, «қай мектеп?» деп. Облыс әкімінің орынбасарына бажайлап қараған шопыр: «түріңіз органда істейтін адамға ұқсайды екен» деп жауап бермей қойыпты. 

– Әлгі таксист директорды қарғап отыр. Адамдар ақшаны қарғап-сілеп береді. Одан ешкім мәз болмайды, - деп Сәдібеков апта басында «Түркістан» сарайында өткен алқалы жиында аудандық білім бөлімі басшыларын, мектеп директорларына таксиде болған оқиғасын баяндап беріп, оларды пара алмауға шақырды.  

(Толығырақ "Рейтинг" газетінде)