Шымкент: Кітап оқитын буккроссинг бұрышы ашылды

Тәуелсіздіктің 30 жылы аясында Шымкент қалалық орталықтандырылған көпшілік кітапханалар жүйесіне қарасты Абай атындағы кітапхананың бастамасымен «Кітап оқитын Шымқала» буккроссинг шарасы өтті. 

image.png

Жиынға ақын С. Нұрман, Д. Танабаев, «Жас қаламгер» ақындар клубының мүшелері қатысты.

 — Қала тұрғындарының кітап оқуға деген қызығушылығын арттырып,  қазақ әдебиетінің інжу-маржандарын қолжетімді ету мақсатында буккроссинг бұрыштары ұйымдастырылуда.  Шілде айында қаладағы ауруханалар мен оңалту орталықтарында ашылған болатын.  Бүгін Қаратау ауданының аумағында С. Бәйтереков ескерткіші  мен №130 жалпы орта мектеп маңында ұйымдастырылып отыр.  Бұйыртса,  алдағы аптада қаланың басқа аудандарында да ұйымдастырмақпыз - дейді Абай атындағы орталық кітапхананың меңгерушісі Нұрила Жұманова.

Көшедегі кітап сөресі қала тұрғындарын әдебиет оқуға ғана баулымай,  адам бойындағы жауапкершілік,  адалдық,  тазалық сынды қасиеттерді де қалыптастыра түсері сөзсіз.  Себебі,  кітап сөресі еш бақылаусыз,  ашық алаңда орналасқан.  

Н. Жұманованың айтуынша,  кез-келген қала тұрғыны сөредегі қызықтырған әдебиетті оқуға алып, қайта орнына әкелсе болды.Сондай-ақ,  үйіндегі оқылған әдебиеттерін буккроссинг бұрышына сыйға да қалдыра алады.

 Шара қонақтары кітапханашылардың кәсіби мерекесімен құттықтап,  буккроссинг бұрыштарының оқырманы көбейсін деген тілек білдірді. Жиын цирк өнерпаздары мен мектеп оқушыларының концерттік бағдарламасымен жалғасты. 

Замира АЛДАБЕРГЕНОВА

Мүмкін сізді қызықтыратын тақырыптар:

  • Елге келген қандастардың неше пайызы еңбекке жарамсыз
  • Қазақстандықтарға мемлекеттік қызметтердің жаңа түрлері қолжетімді
  • Мемлекет басшысы Қазақстанның шет елдердегі бірқатар Елшісін тағайындады
  • Ресей: Теракт болған күні Крокустан 5 мыңнан астам адам эвакуацияланған
  • Президент терроризмге қарсы күресте Қазақстанның Ресеймен бірге екенін растады
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер