ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің төрағасы Алик Шпекбаев мәлімдеуінше, елімізде 300-ден астам компания адал бизнес жүргізуге міндеттеме алған. Бұл туралы төрағаның халықты сыбайлас жемқорлықтан азат қоғам құруға шақырған мәлімдемесінде айтылды.
«Бизнесті және инвестицияларды қорғауға арналған жоба шеңберінде бізбен 300-ден астам компания жұмыс істейді. Олар парасыз – адал бизнесті жүргізуге өзіне міндеттеме алды.
Мемлекеттік қызметшілердің санасын трансформациялау мақсатында Мемлекеттік басқару академиясы ауыл және аудан әкімдерінің көпшілігін жобаларды басқару, тиімді коммуникациялар, этика және адалдыққа үйретті. Сондықтан, біз олардың жұмысының ашықтығы мен клиентке бағдарлануының нақты ұлғаюын күтеміз» дейді Шпекбаев.