Мемлекет басшысы Қасым-Жомарт Тоқаев телеарналар арқылы тікелей эфирде Қазақстан Республикасының Президентінің кезектен тыс сайлау өтетін күнді атады және халықты әділ сайлауға шақырды.
– Бүгін елімізге және әрқайсымызға қатысты аса маңызды үндеу жариялағалы отырмын. Еліміздің Конституциясына сәйкес ҚР Президентінің кезектен тыс сайлауын 2019 жылдың 9 маусымда өткізу туралы шешім қабылдадым. Мен бұл жауапты шешім бойынша Елбасымыз Нұрсұлтан Әбішұлы Назарбаевпен ақылдастым. Парламенттің қос палатасының спикерімен, Премьер-Министрмен кеңестім. Конституциялық кеңестің келісіміне жүгіндім. Парламенттегі партия жетекшілерімен кездестім. Кезектен тыс сайлау туралы шешім қабылдау өте маңызды әрі қажетті қадам, – деді Қ.Тоқаев.
Президент сайлаудың әділ өтуіне кепілдік беретінін жеткізді.