Қасым-Жомарт есімін беріп, домбыра сыйлады

Бәйдібек ауданында 6 шілде – Нұр-Сұлтан қаласы күні және Ұлттық домбыра күні мерекесі қарсаңында туылған алғашқы сәбиге Қасым-Жомарт есімі беріліп, домбыра сыйға тартылды. Перзентханаға арнайы барған аудан әкімінің орынбасары Бағдатбек Жанғазиев жас аналарды мерекемен құттықтады.
Елбасымыз Н.Ә.Назарбаевтың «Болашаққа бағдар: рухани жаңғыру» атты мақаласы аясында белгіленіп отырған «Ұлттық домбыра күні» мерекесінде туылған ең алғашқы сәбиге аудан әкімдігі тарапынан шілде айында босанған жас аналардың нәрестелеріне домбыра тарту етілді.
Шаян ауылдық әжелер алқасының төрайымы Әтір Әлиева жас аналарға ақ жаулық жауып, аудандық ардагерлер кеңесінің төрағасы Бақберген Төлешов ұлттық домбыра күні мерекесі аясында туылған алғашқы сәбиге «ел бастайтын азамат болсын!» деп Қасым-Жомарт деп ат қойып, ақ батасын берді.
Айта кетерлік жайт шілде айының алғашқы күндігінде аудандық орталық аурухананың перзентхана бөлімінде тоғыз ана босанған. 6 қыз, 3 ұл дүние есігін ашқан.

Мүмкін сізді қызықтыратын тақырыптар:

  • Шымкент: 1 маусымнан бастап 2 095 орта және шағын бизнес нысандары қайта іске қосылады
  • Көркейту мен абаттандыру үшін Түркістан 32 секторға бөлінген
  • Шымкенттің тігін фабрикасы 1,5 млн-ға жуық өнімін экспортқа шығарады
  • Нүкте философиясы
  • Түркістанға саяхаттаушылар баратын жерімен алдын ала онлайн таныса алады
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер