Павлодар тұрғынынан 90 грамнан астам есірткі заты бар үш түйіншек табылды.
«Сараптама қорытындысына сәйкес бұл зат «героин» болып шықты. Сондай-ақ, осы азаматшаның есірткі заттарын сатумен айналысатыны анықталды», - делінген хабарламада.
Осы фактіге қатысты ҚР ҚК 297-бабы бойынша сотқа дейінгі тергеу амалдары жүргізілуде. Фигурант қалалық УҰИ–ға қамалды.
Сараптамалар тағайындалды. Қазіргі уақытта полицейлер бірқатар жедел іс-шаралар жүргізуде, есірткінің қайдан алынғаны, мақсаты анықталуда. Тергеу жалғасуда.