Елі мен жері үшін қам жеп, бүгінгі ахуалға алаңдап еріксіз көз жасын көрсеткен Тоқтар Серіковті халық басқаша түсініпті. Тыңдармандарының бірі оның аста-төк бай екенін сөз етіп, әншінің жылауы орынсыз екендігін алға тартқан. Ол WhatsApp желісінде тараған өзіне қатысты жазбаға жауап берді.
– Біреу көсіліп әңгіме айтыпты. «Не анау, Тоқтар Серіков жылап отыр?» деп. Мен өткенде Жылқышыбай деген жігітке сұхбат бергенде шынымен де көзімнен еріксіз жас шығып кетті. Елді ойласам көзімнен жас шығады. Ел туралы айтқанмын, елдің қазір жағдайы жетісіп тұрған жоқтығын айтқанмын. Мен өзімді кедеймін деп айтып, жылаған жоқпын, - деп есіне алды әнші.
Осылайша Тоқтар Серіков желі қолданушыларының кейбіріне жақпай қалған сияқты. Себебі, олар әншінің 5000 асыл жылқысы мен 500-дей жүк көлігі бар екенін айтып, жылауға негіз жоқ екенін алға тартып, әңгіме таратқан.
– WhatsApp-қа тараған адамның сөзіне таң қалдым. «Ой бұлар бай, семірген. Жегені алдында, жемегені артында. Бір айғырының өзі 7-8 млн теңгеден тұрады оның" дейді. Құдайға тәубә, сіздің айтқаныңыз келсін, деп риза болдым, - дейді Тоқтар Серіков.