Арыстандай айбатты,
Жолбарыстай қайратты.
Қырандай күшті қанатты,
Мен жастарға сенемін,
- деп қазақтың дара ақыны Мағжан Жұмабаев жырлағандай еркін елде өскен ұрпақтың рухы әрдайым биік болуы тиіс. Жастары жалын жүректі, өршіл намысты, биік рухты болса – ол елдің еңсесі де биік болады. Өршіл, намысшыл жас отаншыл, патриот келеді, халқына, өз ұлтына адал қызмет етуге ұмтылады. Болашақтың кілті, елдің ертеңі - білімді жастар. Мемлекеттің дамуы, өсіп-өркендеуі тікелей жастарға байланысты.
Кез-келген балалар демалыс орнының баламен тығыз байланыста болып, бар күш жігерін сала жұмыс атқаратын педагогикалық тобы болады. Біздің «Балдәурен» Республикалық оқу-сауықтыру орталығымыздың ұйымдастырушы-ұстаздары «Жастар» педагогикалық тобы орталыққа келген әр баланың жол көрсетер шырақшысы секілді. «Жастар» педагогикалық тобы - орталығымыздың жүрегі деуге де болады. Уақытша құрылған балалар бірлестігімен тығыз байланыста болып, оқушыларға психологиялық ахуал мен жағымды жағдай жасап, олардың шығармашылық қабілетін дамытып, өмірдің негізгі құндылықтарын: адамгершілік, мейрімділік, жауапкершілік, патриоттық сезімдерін нығайтып, жеке тұлға болып қалыптасуларына жағдай жасауда. Балалардың сабақтан тыс бос уақыттарын тиімді пайдалануға жұмсайды.
Күнделікті күн тәртібінде міндетті түрде балалардың демалыстарының қызықты өтуі үшін әр түрлі бағыттағы іс-шаралар, көңілді кештер ұйымдастырып береді. «Жастар» педагогикалық тобы баланың орталықтағы әрбір өткен уақыты үшін жауапты жан. Өзіне берілген балаларға қамқор болып, үйдегі ата-ананың рөлін атқарады. Баламен бала болып ойнап, керек кезінде ата-ана, аға-әпке, дос, бауыр бола білетін әмбебаб – ұстаз, тұла бойы тұнып тұрған талант иелері. Өзінің бойындағы бар өнерін баланың бойына сіңдіруге барынша аянбай еңбек етеді. Біздің жастар 2019 жылы өткен "Үздік педагогикалық Жастар тобы-2019" 2 Республикалық байқауының Гран при иегерлері.
Әр ауысым сайын «Жастар» педагогикалық тобымен танысу кеші болады. Бұл кеште балалар өз ұйымдастырушы-ұстаздарын жаңа бір қырынан танып, нағыз топтың қандай боларына көз жеткізеді. Орталыққа келген әр баланың жүрегінің төрінен орын ала білетін, мінезімен тәрбиесі, білімі ұштасқан «Жастар» педагогикалық тобына алдағы уақытта тек қана сәттілік тілеп, жас ұрпақты тәрбиелеуде аянбай еңбек етулеріне тілектеспін! Болашақтың іргесі біз жастардың қолында. Біздің Балдәурендік «Жастар» педагогикалық тобының алар асуы мен жетер жетістіктері әлі көп деп білемін. Жалынды жастарға тек қана сәттілік тілеймін. Қырандай ұшып қалықтар, педагогикалық топ - «New Zhastar»!
Бойларында жалындаған күші бар,
Осы кезде Жастарды сен есіңе ал.
Жастар – алға, Жастар – самға қалықтап,
Балдәуреннің жастарсыз осы несі бал!
Бұл жастарсыз ойын-сауық, кештердің,
Ешбірі де қызықты болып өте алмас.
Тек алға Балдәурендік «New Zhastar»,
Сіздердей өнерліні ешкім осал дей алмас.
Айнұр Шүкірқызы,
«Балдәурен» РОСО филиалының ұйымдастырушы-ұстазы.
Түркістан облысы, Төлеби ауданы