Дін өкілдері үстел теннисінен сайысты

Screenshot_16.png

Шымкентте діни конфессия өкілдері арасындағы спорттық сайыстар жалғасуда. Дін өкілдерінің спартакиадасының аясындағы үстел теннисі жарысы «Мұз сарайында» өтті. Спорт бәсекесіне 20-дан астам қатысушы жиналды.

– Дін өкілдерінің арасындағы спорт сайыстары жылда ұйымдастырылып тұрады. Биылғы ерекшелік – жарыстар бір күнде емес, бір ай бойы спартиакиада түрінде өтуде. Бұл жолы үстел теннисінен жарыс өткізіліп, өзара мықтылар анықталады. Ал жеңімпаздар спартакиаданың салтанатты жабылу рәсімінде марапатталады, – деді Шымкент қаласының дін істері басқармасының қызметкері Ғалымжан Сарманов.

Жоспар бойынша алдағы уақытта Қажымұқан атындағы орталық стадионда шахмат жарысы өтеді.

Айта кетейік, дін өкілдері арасындағы спартакиада Қазақстан Республикасы тәуелсіздігінің 30 жылдығы мен 18 қазан – Рухани келісім күніне орайластырып өткізілуде. Мұндағы мақсат – тұрғындар арасындағы татулық пен келісімді нығайту, бұқаралық спортты насихаттау, салауатты өмір салтын рәсімдеу. Бір айлық бәсеке 15 қазан күні мәресіне жетіп, түрлі сайыстардың жеңімпаздарына бағалы сыйлықтар табысталады.

«Рухани келісім күні» - еліміздегі әртүрлі ұлттар мен дәстүрлі діндердің арасындағы ауызбіршілік пен ынтымақтың, тыныштық пен тұрақтылықтың мерекесі. Дін өкілдері, мұндай шаралардың берері көп екендігін айтады. Бірінші кезекте, спорт – денсаулық кепілі екені ескерілсе, екіншіден діни ұйымдар арасындағы ауызбіршілік артары сөзсіз, - дейді.


Мүмкін сізді қызықтыратын тақырыптар:

  • «Жеті жарғы» Мәртөебедегі мәслихатта қабылданды
  • «Мамыр өте Мәртөбеге кел!»
  • Шымкент инвесторлар үшін тартымды қала
  • Үшінші мегаполисте тауар қоры жеткілікті
  • Шымкентте заманауи өрт сөндіру депосы пайдалануға берілді
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер