Баспана мәселесі оңынан шешілуде

Шымкентте құрылыс жұмыстары қарқынды. Құрылыс саласында негізгі басымдық көпқабатты тұрғын үйлерге берілуде. Қалалық құрылыс басқармасының ағымдағы жылға арналған даму бюджеті 45,2 млрд. теңгені құрап, оған 113 нысанның құрылысы жоспарланған. 

Оның ішінде  281,1 мың шаршы метр үй салынады. Яғни,  «Нұрлы жер» мемлекеттік бағдарламасы аясында 79 тұрғын үйдің құрылысы жүргізіледі. Бұл  алдағы жылдары үшінші мегаполисте қоныс тойдың көп болатындығын аңғартпақ. Баспанаға деген қажеттілік Шымқалада күннен-күнге артып келеді. Себебі халық саны өсуде. Ал мемлекеттік бағдарлама шаһардың баспана мәселесін шешуге ықпал етпек. 

Әкімшілік-іскерлік орталығы мен Тұран шағын аудандарында 65 кредиттік тұрғын үйдің (4064 пәтер) құрылысын  жүргізу жоспарланған. Биыл 33 кредиттік тұрғын үйдің құрылысы аяқталып, пайдалануға тапсырылады. Нәтижесінде, 2 096 азамат кредиттік баспанаға қол жеткізеді.

Сондай-ақ, 14 арендалық тұрғын үй салынуда. Оның 6-ы әкімшілік-іскерлік орталығында, 8-і Тұранда. Биыл 6 үйдің құрылысын аяқтап, 336 пәтер пайдалануға беріледі. Жалпы осы жылы 1 млн. шаршы метр тұрғын үйді пайдалануға беру жоспарланса, атқарылған жұмыстардың нәтижесінде 9 айда пайдалануға тапсырылған тұрғын үйлердің жалпы ауданы 397,9 мың шаршы метрге жетті.


Мүмкін сізді қызықтыратын тақырыптар:

  • Цифрландыру - халыққа қызмет көрсету сапасын жоғарылатуда
  • Шымкентте бұқаралық спорт дамып келеді
  • Бос жұмыс орындары жәрмеңкесі өтті
  • Спонсоры строят спортивные площадки
  • «Сделано в Шымкенте»
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер