Түркияның тәжірибесін қолданбақ

turizm_2.jpg

Түркия десе көз алдымызға теңіз, жағажай, түрлі демалыс орындары елестейді. Бұл заңды да. Себебі Түркия әлемдегі туризмі дамыған бірден-бір мемлекет. Жуық арада бауырлас елге ағылып жатқан саяхатшылардың  Шымқалаға да асығатын күн алыс емес.  Себебі  қалада туристік бизнестің өкілдерін стандарттау және сертификаттау Түркияның стандарттарына сай жүргізілуі мүмкін. Бұл туралы Шымкент қаласы әкімінің орынбасары Д.Жумин мен Анталиядағы Туризм академиясының ректоры Зафер Биккеноглумен болған кездесуде  айтты.

Жүздесуде өзара тиімді ынтымақтастық мәселелері талқыланды. Сонымен қатар, үшінші мегаполистің туризм саласы мен қызмет көрсету саласын дамыту және студенттер мен жоғары оқу орындарындағы студенттердің біліктілігін арттыру тақырыптары сөз болды.

Туризм ұлттық экономиканы дамытудың жаңа драйверіне айналуы тиіс екенін айтқан қала әкімінің орынбасары Данат Жумин Шымкентте туризмді дамыту үшін жақсы мүмкіндіктер бар екеніне тоқталды.

Тараптар биылғы мамыр айында  Шымкентте туризм және шағын бизнес, қонақ үйлер, мейрамханалар мен қызмет көрсету құрылымдарының өкілдері үшін бірлескен семинарлар мен шеберлік сабақтар өткізу туралы ауызша келісімге келді.


®RG media - ақпараттық агенттігі
Бөлісу тақырыбы: Түркияның тәжірибесін қолданбақ