Сайрам ауданының әлеуметтік-экономикалық жағдайы бірқалыпты. Бүгінде аудан әлеуетін арттыруда қыруар жұмыстар атқарылып жүр. Аудандағы биылғы жылдың басынан бекітілген жоспарлар артығымен орындалып жүр.
Ауданның экономикалық дамуын сипаттайтын басты көрсеткіш жалпы өңірлік өнім көлемі ағымдағы жылдың 6 айында 52,3 млрд.теңгеге жетті, яғни былтырғы жылмен салыстырғанда 9,5 пайызға өскен.
Ауданның даму қарқыны бірінші кезекте мемлекеттік бюджетке тікелей байланысты екені белгілі. 2020 жылға арналған аудан бюджетінің кірістері 48,1 млрд теңгені, оның ішінде өзіндік кірістер 3,8 млрд теңгені құрайды. Ағымдағы жылдың 6 айында аудандық бюджеттің кірістер жоспары 124,6%-ға артығымен орындалды.
Сондай-ақ басқа да әлеуметтік маңызы бар салалар жергілікті билік назарынан тыс емес. Мәселен өнеркәспі, шаруашылық салаларын қарқынды дамытуда тұрғындардың да атқарар рөлі ерекше. Ал ауданды жарықтандыру, газ, ауыс-су мәселелері кезең-кезеңімен орындалып келеді.