Мәдениет пен спорт саласы бүгінгі қоғамда аса маңызды орны бар салалар. Бәйдібек ауданында типтік ғимаратта орналасқан мәдениет нысандарының жалпы саны – 12 (мәдениет үйлері -9, ауылдық клубтар – 3, кітапханар-25).
Ауылдық округтердің орталық елді мекендері – 11, оның ішінде типтік мәдениет нысандарымен қамтылғаны – 10; Олардың 3-і құрылыс нысандарын қажет етеді.
Ақтас елді мекенінен мәдениет үйінің құрылысы (сметалық құны- 230184 мың теңге), Амансай елді мекенінен мәдениет үйінің құрылысы (сметалық құны- 199,0 мың теңге) және Шаян ауылынан 100 000 кітап қорына арналған кітапхана жайының құрылыстарына (сметалық құны- 380680,0 мың теңге) жобалау сметалық құжаттары әзірленіп, салалық басқармаға қаржыландыруға бюджеттік өтінім ұсынылды.
Халықтың спортпен жүйелі түрде айналысуына 255 спорт нысандары қызмет етуде (1 спорт кешені, 1 су-спорт кешені, 1 жабық теннис корты, 1 стадион мен 52 спорт залдары мен басқада қарапайым спорт алаңдары бар). Спорт нысандарының 3-і құрылыс нысандарын қажет етеді.
Шалдар ауылының спорт зал құрылысы (сметалық құны 128325 мың теңге), Боралдай ауылының спорт зал құрылысы (сметалық құны 122968 мың теңге), Жамбыл ауылындағы №5 балалар мен жасөспірімдер спорт мектебінің спорт зал құрылысына (сметалық құны 134077 мың теңге) Шақпақ ауылының спорт зал құрылысына (сметалық құны 290874 мың теңге) ЖСҚ-ы әзірленіп, қаржыландыруға салалық басқармаларға ұсынылған.