Ордабасы ауданында бүгінгі күні өнімді еселеу бағытында жылына 2-3 рет өнім алу жобасы жүйеге асырылуда.
Бұл бағытта, биылғы жылы әр ауыл округінде 10 шаруашылықтан жобалар таңдалып, іске асыру бойынша жұмыстар жүргізілетін болады.
Негізінен бекітілген жоспарға сәйкес, ауыл округтерінен – 90 шаруашылық – 171,9 гектар жерге маусымында 2 рет өнім алу бойынша қияр, картоп, қарбыз,қызанақ, асқабақ, қырыққабат егу жоспарлануда.
Өткен жылы Ордабасы ауданына жалпы 47 бірлік техника алынды: 38 доңғалақты трактор, 3 пресстейтін техника, 6 жүк тиегіш. Әкелінген технологиялырадың инвестициялық құны 959 млн. теңгені құрап, оған мемлекеттен 208 млн. теңге субсидия төленді.
Ордабасыда аудан халқын жеміс-жидекпен толық қамту үшін өткен жылы 117 гектарға қарқынды бау шаруашылығы іске қосылып, ауданда жалпы 468 гектарға жетті.
Өнім беретін 351 га баудан жалпы – 5250 тонна өнім алынды. Осы баулардан 3-ші жылы 15-20 тонна өнім алынса, 6-7 жылдары 60 тоннаға дейін өнім береді.