Ақсукентте жұмыстар жүйелі түрде жүргізілуде

Screenshot_4.jpg

Бүгін Сайрам ауданы Ақсукент ауылдық округінің әкімі Әбдіманап Бөрібеков Сайрам ауданы әкімдігінде БАҚ өкілдерімен кездесіп, жыл басынан бері атқарылған жұмыстар бойынша брифинг өткізді.

Ақсукент ауылдық округ аумағында 2021 жылдың 6 айында салық базасын мейлінше ұлғайту мақсатында жоспарлы жұмыстар жүргізілді. Осы атқарылған жұмыстардың нәтижесінде Ақсукент ауылдық округінің 2021 жылының 6 айына арналған бюджеті 379,1 пайызға немесе 91121,1 мың теңгеге артық орындалды.  Облыс әкімі Өмірзақ Шөкеевтің тапсырмасымен бастау алған Қамқорлық бағдарламасы Ақсукент ауылдық округінде жүзеге асырылып келеді. Атап айтсақ, Ақсу ауылы, Ибн Сина көшесі бойында орналасқан жалпы көлемі 3256,0 шаршы метр жер телімінің құжаттары Ақсукент ауылдық округі әкімі аппаратына рәсімделіп, демеушілер тарапынан  4 отбасыға арналған "Қамқорлық үйінің" құрылысы жүргізілуде. Ондағы мақсат, үй-күйі жоқ, көмекке мұқтаж отбасыларын қамқорлыққа алып, жан-жақты қолдау. Тұрмыстарын түзеп, қалыпты жағдайға жеткенше бейімделуге көмек беру болып табылады, - деді баяндамасында Әбдіманап Нұрсейітұлы.

Ақсукент ауылдық округінде күл-қоқысты тазартумен айналысатын мекемелер «ҚараСу ВРМ» және ЖК «Бұлақ»  жеке тұлғалармен және мекемелермен келісім-шарт құру негізінде кестеге сәйкес қоқыс тазартады. Қазіргі таңда 7 мыңнан аса абонентпен келісім-шарт түзілген. 

Сондай-ақ  ішкі шаруашылық көшелерінің бойындағы ретсіз күл-қоқысты күнделікті тазарту бойынша мемлекеттік сатып алу конкурсы өткізілді. Нәтижесіне сәйкес мемлекеттік сатып алу конкурсының жеңімпазы ретінде "Жигита" ЖШС көшелердегі арнайы орны белгіленбеген жерлердегі ретсіз қоқыстарды күнделікті тазартуда.

Мүмкін сізді қызықтыратын тақырыптар:

  • Аудан әкімі тұрғындарды онлайн қабылдады
  • Аурухана жаңа құрал-жабдықпен жабдықталды
  • Ақсукентте жұмыстар жүйелі түрде жүргізілуде
  • Манкентте жылдық жоспардың 72 пайызы орындалды
  • Суға деген тапшылық болмайды
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер