Сайрам - Ұлы Жібек жолының бойында орналасқан аудан. Сайрам ауданының аумағы арқылы республикалық маңызы бар жолдар өтеді. Сайрамға жан-жақтан келушілер өте көп. Сол себепті де ауданда жол мәселесі өте өзекті. Сайрам ауданы аумағында жалпы 1 276 шақырым автокөлік жолы бар. Оның 55,5 пайызы қанағаттанарлық жағдайда. Биыл аудан бойынша жалпы 42,1 шақырымды құрайтын 25 көше жөндеуден өтуде.
Бұдан бөлек, Түркістан облысының әкімі Өмірзақ Шөкеевтің тапсырмасына сай, 40 жыл бойы жөндеу көрмеген Сайрам және Төлеби аудандарын қосатын күрежолға асфальт төселеді. Облыстық маңызы бар КХ-3 «Көксәйек-Ақсу-Шаян-Мыңбұлақ» автомобиль жолының 22,5 шақырымы орташа жөндеуден өтуде.
- 2020 жылы бастау алған жол жөндеу жұмыстары тамыз айында толықтай аяқталады. Жауапты мердігер мекеме — «Корпорация Сити-Строй» ЖШС. Жаңарған жол бойындағы аяқжолдар да орташа жөндеуден өткізілмек, - деді аудан әкімінің орынбасары Мадияр Оразалиев. Аудан әкімі орынбасарының айтуынша, жол сапасы жіті тексеріледі. Сапасыз жұмыс қабылданбайды. Сол себепті де мердігерлер жұмысты өте сапалы жүргіузде.