Түркістан облысында 85 елді мекенде мектеп жоқ. Бұл туралы «Балалар қауіпсіздігі және білім саласындағы тәуекелдер» тақырыбындағы І ашық форумында Адами әлеуетті дамыту басқармасының басшысы Рақымбек Жолаев айтты.
– Облыста мектептері жоқ елді мекендер саны – 85. Ондағы күнделікті тасымалданатын балалардың саны – 6623. Оқушыларды тасымалдайтын автобустардың саны – 160. Осы автобустардың 30 пайызға жуығы тозығы жетіп ескіріп кеткен, жаңарту қажет. Бұл мәселеге қатысты нақты тапсырмалар берілген, оң шешімін табады деген сенімдемін, – деді Рақымбек Қуатбекұлы.
Облыстық прокуратураның бастамасымен ұйымдастырылған форум облыс әкімі Өмірзақ Шөкеевтің қатысуымен өтті.