Алматы облысы Шонжы қаласында «Zhetysu travel» туристік ақпараттық орталығының ұйымдастыруымен «Tourism ReStart. Алматы облысы» форумы өткізілді.
Форумға «Visit Shymkent» орталығы басшының орынбасары Е.Умаров және жоба менеджері Азамат Мәліков арнайы қатысты. Сондай-ақ ауқымды шараға – ірі туроператорлар, ҚР облыстарының туризм басқармасының, Алматы облысының туристік ақпараттық орталығының, «Kazakh Tourism» ҰК» АҚ басшылары, «ЮНЕСКО-ның Қазақстандық Ұлттық комитеті қатысты.
Форумның мақсаты карантиндік шектеулер мен саланы қалпына келтіруге байланысты туризмде қалыптасқан жағдайды талқылау болды.
Жалпы, форум Алматы облысындағы туризм саласының әлеуеті зор екенін ғана емес, сонымен қатар еліміздегі қонақжайлылық индустриясын дамытудың драйверлерінің бірі болып табылатынын көрсетті.
Форумда Ерлан Умаров «Visit Shymkent» орталығының Шымкент қаласының туристік әлеуетін арттыру мақсатында атқарып жатқан жұмыстарын баяндап, өзге қалалардағы әріптестерін бірлесе жұмыс істеуге, өзара тәжірибе алмасуға шақырды. Алдағы уақытта Шымкент қаласына өзге өңірлердегі туризм мамандары арнайы келіп, шымкенттік әріптестермен туристік жобаларды бірлесе талқылайтын болады.