Түркістан облысында коронавирустың екінші толқынына дайындық жүргізілуде

20.jpg

Бүгінгі таңда Түркістан облысында эпидемиологиялық жағдай тұрақты. Дегенмен, облыстың барлық медициналық мекемелерінде коронавирустық инфекциямен күрес жұмыстары бекітіліп, екінші толқынына дайындық жұмыстары жүргізілуде. Індеттің өршуі орын ала қалған жағдайда медицина қызметкерлері дайын болуы тиіс. Облыстық қоғамдық денсаулық басқармасының мәліметінше, бұл мақсатта жергілікті бюджет пен гуманитарлық көмек арқылы 800-ге жуық отттегі концентраты алынған. Қарқынды терапия палаталары бір жарым мыңға жуық оттегі нүктелерімен жасақталған.

Эпидемиологиялық жағдай ескеріле отырып, облыстың медициналық ұйымдары мен «СК-Фармация» ЖШС-і арасында дәрілік заттар мен медициналық бұйымдарды жеткізіп беруге қосымша келісім-шарттар жасалынған. Мамандар қазірдің өзінде 2 айға жететін жеке қорғаныс құралдарымен қамтамасыз етілген.

Облыста жалпы коронавирус инфекциясына тәуліктік қуаттылығы үш мыңға жуық сынаманы құрайтын 12 зертхана жұмыс істеуде. Күні бүгінге дейін 130 мыңнан астам адам тест тапсырған. Оның ішінде Covid-19 инфекциясы расталған 3343 жағдай тіркелген. Науқастардың 96 пайызы, яғни 3210 адам жазылып шықты. Бүгінгі күнге бір күндік өсім 0,1 пайызды құрап, аурушаңдықтың төмендегені де байқалады.

Облыс бойынша инфекциялық стационарларда бүгінгі таңда коронавирусқа қарсы емдеу шаралары үшін 600 төсек-орын дайындалған. Түркістан қаласында 200 орынға есептелген модульді жұқпалы аурулар ауруханасы бой көтереді. Коронавирус және пневмония індеттерімен күресу мақсатында алғашқы медициналық-санитарлық көмек көрсететін ұйымдарда құрамында дәрігер мен орта буын медицина қызметкерлері жұмылдырылған 380 мобильді топ жұмыс істеуде. Сондай-ақ, медициналық ұйымдарда ашылған 20 Call-орталықтары тұрғындар тарапынан туындаған сұрақтарға жауап беріп, өзекті мәслелер бойынша түсіндіру жұмыстарын жүргізуде.


Мүмкін сізді қызықтыратын тақырыптар:

  • Қазақстанда өсіретін балықтың 70 пайызы Түркістан облысына тиесілі
  • Түркістан облысына 8 айда тартылған инвестиция 260 млрд теңгені құрады
  • Түркістан облысының кәсіпорындары 8 айда 344 млрд. теңгенің өнімін өндірді
  • Елбасы тапсырмасымен құрылған «Birgemiz» қор 32 үйді пайдалануға береді
  • Кентауда жалғыз басты ана мал бордақылаумен айналысады
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер