Түркістан облысы бойынша Құқықтық статистика және арнайы есепке алу жөніндегі басқармасында, Түркістан ҚПБ-ның ұсынысымен жас тергеушілер мен анықтаушылардың біліктілігін арттыру мақсатында маңызы зор шара ұйымдастырылды.
Нақтырақ айтсақ, іс-шарада Түркістан қаласы ПБ-ның Тергеу және Анықтау бөлімінің жас мамандарына электрондық қылмыстық істерді «үш буынды» тергеу бағытына қатысты сабақ өткізілді. Әрбір қылмыстық істің ақ-қарасын анықтап, электрондық тергеу кезінде туындаған кемшіліктерді жою, болдырмау сынды түсіндірме жұмыстары жүргізілді.
Арнайы сабаққа түркістандық жас тергеушілер белсенді қатысып, өздерінің тарапынан пікірлерін білдіріп, сұрақтарын қойып, жоғары деңгейде өтуіне септігін тигізді.
ТО ПД-ның баспасөз қызметі
