Мәдениет және спорт министрінің міндетін атқарушы Арыстан Мұхамедиұлы Мағжан Жұмабаевтың жұрт жатқа білетін өлеңін бұзып айтып масқара болды. Ол Түркістан облысының әкімі Жансейіт Түймебаевтың есеп беру жиынына – Түркістанға Астанадан ат арылтып арнайы келген еді.
«Түркістан – екі дүние есігі ғой,
Түркістан – ер түріктің бесігі ғой.
Тамаша Түркістандай жерде туған,
Түріктің Тәңірі берген несібі ғой» деп басталатын атақты өлеңін жатқа білмейтін министр міндетін атқарушы Мұхамедиұлы мінберге шығып, әкімнің есебіне баға берудің орнына өзінің жұмыстарын айтып кетті. Сөйтті де сөзінің соңын былай аяқтады (сөзбе-сөз):
– Сөзімнің аяғында, біз бәріміз немен бітіруіміз керек, Мағжан Жұмабаевтың сөзімен бітіруіміз керек. Иә,
«Түркістан – екі дүние есігі ғой,
Түркістан – ер түріктің бесігі ғой.
Керемет, тамаша Түркістандай жерде өскен,
Түріктің Тәңірі берген сыйы ғой» деп...