ҚР Ішкі істер министрлігінің Төтенше жағдайлар жөніндегі комитетінің мәліметтері бойынша Тараз қаласының тұрғын үй ғимаратындағы жарылыс газ жабдықтарын абайлап пайдаланбаудың салдарынан болды деп хабарлайды NUR.KZ.
Еске сала кетейік, Тараздағы көпқабатты тұрғын үйде жарылыс орын алды.
Жамбыл облысы төтенше жағдайлар департаментінің ақпаратына сәйкес, көпқабатты тұрғын үйде газдың жарылуы орын алған.
Оқыс оқиға Тараздағы 9 шағын ауданның бірінде орналасқан көпқабатты тұрғын үйдің екінші қабатында орын алған. Оқиға салдарынан екі адам қаза тапты.
Қазіргі уақытта төтенше жағдайлар департаментінің қызметкерлері, жедел жәрдем өкілдері оқиға орнында жұмыс жасап жатыр.