Президент сайлауына Дания Еспаева үміткер болып тіркелді

a826847068b308372758f13913ba4d49.jpg

Бүгін Нұр-Сұлтан қаласында "Ақжол" демократиялық партиясының кезектен тыс XV құрылтайы өтіп жатыр. Жиында партия атынан 6 адам сайлауға үміткер екенін мәлімдеді. Бұл туралы Baq.kz хабарлайды. 

Алты үміткердің қатарында Өскемен қалалық мәслихатының депутаты Қуат Рахымбердин, Тараз қалалық мәслихатының депутаты Асан Қошмамбетов, Атырау облыстық филиалының өкілі Серік Ерубаев, СҚО филиалының төрағасы Евгений Кинцель, ҚР Парламент Мәжілісінің депутаты Дания Еспаева мен Қазақстан Құрылысшылар одағының төрағасы Талғат Ерғалиев бар. 

Жиында барлық үміткерлерге қатысты бейнебаян көрсетілді. Одан кейін үміткерлер өздерін таныстырды. Сонымен қатар, олар сайлау алды ұсыныстарын жариялап және делегаттардың сұрақтарына жауап берді.

Құрылтай соңында делегаттар ашық және құпия дауыс беру арқылы президент сайлауына қатысатын үміткерді анықтады.

Алтаудың арасында Мәжіліс депутаты Дания Еспаеваны қолдаушылар көп болды. Енді, 9 маусымда өтетін ҚР Президентінің кезектен тыс сайлауына  "Ақжол" партиясы атынан Дания Еспаева қатысады.

Айта кетейік, Дания Мәдиқызы 1961 жылы Ақтөбе облысында дүниеге келген. Еңбек жолын Ақтөбе облысындағы КСРО мемлекеттік банкінің басқармасындағы несиелендіру бөлімінде экономист болып бастаған. Жалпы, Ақтөбе облысында екінші деңгейлі банктердің бірнешеуінде басшылық қызмет атқарған. Ал 2016 жылы Парламент Мәжілісіне депутат болып сайланған.

Мүмкін сізді қызықтыратын тақырыптар:

  • Биыл қар әдеттегі нормадан 2 есеге көп түскен
  • Көшпелі форматтағы қоғамдық қабылдаулар көбейіп келеді
  • Қарағандылық уланған балалардан ішек инфекциясы табылмады – Министр Ажар Ғиният
  • Қарағандыда балалар уланған орталықтың басшысы мен 12 қызметкер жұмыстан шеттетілді
  • Қазақстанның бірнеше аймағында жанармай тапшылығы туындады
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер