4 жоба іске қосылмақ

Screenshot_6.jpg

Облыс орталығы мәртебесіне ие болған Түркістан қаласында индустриялдық аймақ құрылған болатын.  «Бекзат» шағынауданында индустриялық аймақтың жалпы аумағы – 40 гектарды құрайды. Өнеркәсіптің ордасында қазіргі таңда 13 жоба орналастырылған. Бұл аймаққа  әлі де 7 жобаны орналастыруға мүмкіндік бар. Түркістан қалалық кәсіпкерлік бөлімінің басшысы Гүлжамал Даханованың мәліметінше  онда қазір 5 мекеме жұмыс істеуде. Дәлірегі,  кірпіш зауыты,  темір-бетон бұйымдарын шығаратын зауыт және жиһаз шығаратын үлкен цехтар бар. 

Ағымдағы  жылы индустриалды аймақтан жоба құны 1000,4 млн.теңгені құрайтын  4 жобаның  жүзеге асырылуы жоспарлануда. Нақтырақ айтқанда: жабын плиталарын, тауарлық бетонды және ЖБИ және "құрғақ құрылыс қоспаларын өндіру зауыты" "Айбек ЛТД" ЖШС, ЛАЖТ өндірісі ЖК "Grand Miks", Шарнирлі тор шығаратын «Мирас ДАМУ ЛТД» ЖШС және көп функциялы POS-терминалдарды құрастырып шығаратын  «Нурлы НазАй» ЖШС. Мұнда кәсіпорын қатары көбейсе 183 адам жұмыспен қамтылады деп күтілуде. 

Биыл аймақта бір қатар құрылыс жұмыстары жүргізу мақсатта  облыстық бюджеттен 1,4 млрд теңге қаржы қарастырылыпты. Бірінші кезекте кіреберіс аркасы, аймақты қоршау, қабылдау өткізу пункті, әкімшілік іскерлік ғимараты және 1 кезеңдегі инженерлік инфрақұрылым жүйелері реттелмек.


®RG media - ақпараттық агенттігі
Бөлісу тақырыбы: 4 жоба іске қосылмақ