Шымкент қаласында инвестициялық жобаларды жедел түрде қарап, инвесторларға жан-жақты қолдау көрсететін қала әкімінің басшылығымен инвестициялық штаб құрылған болатын. Бұл жобаны іске асыру мақсатында жуырда қала әкімінің орынбасары Айбек Саттыбаев кәсіпорындарды аралап қайтты.

– Инвест штаб мамандарымен бірігіп «Тассай» индустриалды аймағында орналасқан кәсіпорындардың жұмыстарымен жіті таныстық. Кәсіпкерлердің ісі алға жүруіне қандай кедергілер барын ашық сұрап, мәселенің оңтайлы әрі тезірек шешімін табуына бірігіп жұмыс істейтінімізді жеткіздім. Инвест штаб мамандарына әр кәсіпорын бойынша жауапты маман бекітілуін және аталмыш жобалардың іске асырылуы бойынша жол картасын әзірлеуді тапсырды, - Шымкент қаласы әкімінің орынбасары Айбек Саттыбаев.

Индустриалды аймақтар кәсіпкерлікке қолдау көрсету мақсатында құрылған.

Қала экономикасын көтеру үшін кәсіпкерлікке қолдау көрсетіліп, инвесторлармен тығыз жұмыс істеу біздің негізгі міндеттің бірі.овациялық өнімдер шығаруға жете назар аударылады. Осы мақсатта бүгін инвест штабпен бірігіп Арнайы экономикалық аймақта орналасқан бірнеше өндіріс орнын аралады.

Кәсіпкерлердің басым көпшілігі кадр тапшылығына байланысты сұраныстарын жеткізді.

Аталмыш мәселелердің оңтайлы шешімін табу мақсатында, өндіріс орындарымен тығыз байланыста жұмыс жүргізетін боламыз. Кәсіпкерлер қала әкімі төрағалығымен құрылған инвест штабтың жұмысына ұсыныстарын жеткізді.