Қорқақ - қашқан кісі,

Батыр - шанышқан кісі.

Қорқақтың бәрі Құдайшыл.

Қорқаққа құбыжық көп.

Қорқақтың сылтауы қойнында.

Қорқақтың көзі үлкен,

Ақымақтың сөзі үлкен.

Қорқақтың қатыны болғанша,

Батырдың жесірі бол.

Шайтан жаманынан қорықпа,

Адам жаманынан қорық.

Батыр жарқырап жүреді,

Қорқақ қалтырап жүреді.

Жасқаншақтың жаны тәтті.

Қашып кетсең, шашып кет.

Қашпақ, қумақ - ерге сын.

Көшпек, қонбақ - жерге сын.

Ала жіпті көрген жылан деп қорқады.

Ерше барып, итше қайтты.