Жақында Оңтүстік өңірінде күн күрт суытып, оның ақыры қарға ұласты. Таулы аудандарға жауған қардың қалыңдығы 30-40 сантиметрге дейін жетті. Түнгі уақытта ауаның температурасы -2-3- градусқа төмендеді. Тосыннан келген суыққа байланысты Түркістан қаласында жылу қайта қосылды. Бірақ қалалық әкімдік қайта берілген жылу үшін тұрғындардан төлемақы алмауға уәде беріп отыр. 

-Қазіргі кезде ең алдымен бір-бірімізге қолдау көрсете білуіміз қажет. Жақында күн күрт суытып, көпқабатты үйлерге бірнеше күнге жылуды қайта қосқанымызды білесіздер. Тұрғындар жылуға мұқтаж болғанымен, біразына 4 күндік ақы ауыртпашылық тудыруы мүмкін. 

Жергілікті кәсіпкерлермен ақылдаса келе 4 күндік жылу ақысын тұрғындарға төлетпей, қолдау ретінде өзіміз төлейміз деген шешім қабылдадық,-деді қала әкімі Рашид Аюпов тұрғындарға бүгін арнаған үндеуінде. 

Әкім сондай-ақ, бүгінгі жиналыста кей балалардың тапсырмаларды уақытылы орындай алмағаны үшін төмен баға қоймауын сұранғанын жеткізді.

-Біздің балаларға да бұл кезең оңайға түсіп тұрған жоқ. Түсіністікпен қарап, үйреніскендерінше уақыт бергеніміз абзал,-деді Р.Аюпов. 

Лайым, төтенше жағдай кезінде осындай игілікті шаралар көбейе бергей!