Мектеп оқушыларына мектептерде киім үлгісін киетін заң бар, бұл ережелер мектептердің жарғысында бекітілген. Сонда мектеп формасының үлгісі мен ережесі көрсетілген. Ендігі жерде ережені сақтамаған оқушылардың ата аналарына айыппұл салынбақ.
Бұл жайында Кентау қаласында өткен жиында «Дін мәселелерін зерттеу орталығы» МКМ-сі «Оңалту жұмыстарын ұйымдастыру» бөлімінің басшысы Дәлелхан Оспанов айтып өтті.
Білім және ғылым министрлігінің бірыңғай мектеп формасын сақтау жөніндегі бұйрығы бойынша ережеде екі мәселеге басты назар аударылған. Оның біріншісі киім кию үлгісінде діни атрибуттарға жол берілмейтіндігі. Ол деген сөз христиан, буддизм ислам және өзге де діндерге қатысты атрибуттарға сәйкес мектепке киім киіп келіп келуге болмайды. Ал, екіншісі татурировка салдырып, мұрнына сырға салып, шашын бояп, қысқа киіп келуге жол берілмейді. Яғни, оқушы бекітілген ережеге сәйкес классикалық үлгімен киінуі керек. Юбкасы тізеден төмен, тобықтан жоғары болғаны дұрыс.
Осыған орай, бекітілген ережені сақтамаған ата-аналарға 10 АЕК мөлшерінде айыппұл салынады.