Облыс әкімі Жетісайда озаттарды марапаттады

Screenshot_14.jpg

Түркістан облысының шалғайындағы шаруалар ақ алтын өндірісінен биыл алдыңғы орынға шықты. Күзгі науқан жұмыстарын облыс әкімі Жансейіт Түймебаев арнайы бағамдап қайтты. 

Өңір басшысы Жетісай ауданында орналасқан «AIIG Kazakhstan» ЖШС-нің мақта зауытында болды. Аталған зауытта 660 адам жұмыс істейді. Бұл кәсіпорынның қуаты жылына 40 мың тонна мақта өңдеуге жетеді. 2013 жылы құрылған зауытта мақта талшығы, техникалық тұқым, тағы да басқа шикізат дайындалады. Жалпы аумағы 5,6 гектарды алып жатқан нысанда өндірілген өнімдер еліміздің барлық аймағына шығарылады. Шаруалармен қырман басында қауышқан облыс әкімі шикізатты өңдеу мәселесін қозғады. 

Кездесу барысында Жансейіт Қансейітұлы «Озат терімші, «Ең үздік комбайншы», «Ең үздік мақта зауыты» номинацияларының иегерлерін марапаттап, сый-сияпат табыстады. Биыл ауданда мақта өндіруден Ералиев ауыл округі үздік атанды. Осымен алтыншы жыл қатарынан бас бәйгені бермеген округте 3 мың гектарға шит себілген. Өнім орта есеппен гектарынан 32 центнерден келіп отыр. Округ әкімі бұл жетістік аудандағы шаруалардың маңдай терімен келгенін сөзге тиек етті. 

Жалпы, Жетісай ауданында мақта теру науқанының аяқталуына санаулы күндер қалды. Қазіргі таңда аудан бойынша 48226,8 гектар мақта алқабынан 126 мың 192 тонна шитті мақта жиналды. Ақ алтынның түсімділігі әр гектарынан 26,2 центнерді құрады.

Мүмкін сізді қызықтыратын тақырыптар:

  • Шымкентте «Базар жастар лигасы» шарасы өтті
  • Конституция – адам бостандығы мен құқықтарының қорғаушысыАта Заң - Тәуелсіздік құндылығы!
  • Тура жолдан адаспау - басты мақсат
  • Сайрамды қылмыс деңгейі төмендеп келеді
  • Керуен жұмысы тиімділігін көрсетуде
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер