Елордаға 100 жаңа электробустар келетін болды және онда жол жүру ақысы сол күйінде қалмақ, деп хабарлайды OINET.KZ сайтының тілшісі inform.kz сайтына сілтеме жасап.

«Кеше ғана 100 электробусты сатып алуға қатысты шартты бекіттік. Жол жүру ақысына ешқандай әсері болмайды. Парк жыл сайын жаңарып тұрады, сәйкесінше, жаңа автобустар жеткізіледі Бүгінде елордада нақты 100-ге тарта автобус жетіспей жатыр. Жыл сайын біз паркті жаңартып тұруымыз керек. Тұрғындар саны артып келе жатқанын ескеру керек. Сонымен қатар, ескірген автобустар да аз емес», - деді «Астана LRT» ЖШС басшысы Бекмырза Игенбердинов баспасөз мәслихатында.