Жерге қатысты заңнамаларды сақтау басты назарда

18_0.jpg

Жер – халықтың қазынасы. Жер – әрбір азаматтың ырзық-несібесі. Сондықтан да, жерді ел игілігіне пайдаланып, заңсыздыққа жол бермеу керек. 

Осыған орай, жақында Түркістан қаласында облыс әкімі Жансейіт Түймебаевтың қатысуымен облыс прокуратурасының алқа отырысы  өтті. Басқосуда жергілікті атқарушы органдардың 2015-2017 жылдары жер телімдерін беру, пайдалану және сегментациялау барысында жер заңнамаларының сақталуына жүргізілген тексеру нәтижелері сөз болды. Алқаның жұмысына облыстың жергілікті атқарушы және уәкілетті мемлекеттік органдарының басшылары қатысты.

Мәжілісте прокуратура өкілдері әкімдіктердің жер қатынастары саласындағы жұмысының тиісті деңгейде атқарылмайтындығын, жер учаскелерін ұсыну кезінде көптеген заң бұзушылықтарға жол берілгендігін  атап өтті. Осылайша, рәсімделген жалған құжаттардың негізінде Сайрам ауданында жер заңнамасы талаптарын сақтамай 50 га жер учаскесін 400 жеке тұрғын үй салуға арналған учаскелерге бөлшектеуге жол берілген. Түркістан қаласында жер телімдерін аукциондар мен конкурстар арқылы ұсыну жөніндегі комиссияның жалған хаттамалары негізінде алаңы 100 га құрайтын 130-дан астам учаске заңсыз рәсімделген. Нәтижесінде мемлекетке 700 млн. теңгеден аса залал келтірілді. Қазіргі уақытта жоғарыда көрсетілген деректер бойынша тергеп-тексеру шаралары жүргізілуде.Сонымен бірге бұл жерлерді мемлекет меншігіне қайтару бойынша шаралар қолға алынды. Ағымдағы жылдың алты айында прокурорлармен қабылданған шаралар нәтижесінде 73 тұлға түрлі жауапкершілікке (тәртіптік, әкімшілік) тартылып, мемлекетке кадастрлық құны 1 млрд. теңге 19 мыңнан астам гектар жер учаскелері қайтарылды.

Алқа мәжілісінің қорытындысы бойынша жергілікті атқарушы және уәкілетті мемлекеттік органдарға жер саласындағы заңдылықты қамтамасыз ету бағытында нақты тапсырмалар берілді.

Мүмкін сізді қызықтыратын тақырыптар:

  • Шымкентте «Базар жастар лигасы» шарасы өтті
  • Конституция – адам бостандығы мен құқықтарының қорғаушысыАта Заң - Тәуелсіздік құндылығы!
  • Тура жолдан адаспау - басты мақсат
  • Сайрамды қылмыс деңгейі төмендеп келеді
  • Керуен жұмысы тиімділігін көрсетуде
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер