Түркістан облысы жүзім өсіруден республикада көш бастады

Screenshot_1.jpg

Соңғы уақыттар Түркістан облысы ауыл шаруашылығы саласы жөнінен республикада алдыңғы қатарларда келеді. Мұнда жылдан-жылға мал саны артып, егістік алқаптары кеңеюде. Нәтижесінде Түркістан өңірі өнім өндіруден республикада көш бастап жүр. Жетісай ауданына қарасты Абай ауыл округінде жүзімдік алқабы 280 гектарға жетіп отыр. Қазір Абай округінде жүзім жинау науқаны аяқталуға жақын. Өңірдегі ең ірі «Махарам» шаруа қожалығы егіс алқабының әр гектарынан 25 центнерге дейін өнім алуда. Жүзімнің «Тайфы» сортынан жиналған өнімнің басым бөлігі Ресейге жөнелтіліп жатыр. Бұл жөнінде аудан әкімінің баспасөз қызметі хабарлайды. 

Жалпы аталған қожалықта 42 гектар жерге жүзім егілген. Соның 26 гектары өнім берсе, қалған 16 гектары алдағы екі жылда жемісін бере бастайды. 

Қожалық төрағасы Махарам Нифталиевтің айтуынша, 1 гектарға шамамен 2 миллион теңгеге жуық шығын кетеді екен. 50 жылға жуық өнім беруге қауқарлы жүзім бақтары жалпы кеткен шығынды 5-6 жылда толығымен ақтайтын көрінеді. Қазіргі таңда ондағы жүзімнің бір келесі 120 теңгеден саудаланып отыр. Жүзімдік алқабында 30 адам жұмыс істейді. 

Соңғы 3 жылда Түркістан облысы бойынша жеміс-жидек пен жүзімнің егіс көлемі 1,8 мың гектарға артып, егіс көлемі 30 мың гектарға жеткен.  Оның ішінде жеміс – 19,5 мың гектар, жүзім – 10,5 мың гектарды құрайды.  Ағымдағы жылы 85 мың тонна жеміс-жидек  және 70 мың тонна жүзім  жинау жоспарланып отыр. Айта кетерлігі, республикада өндірілген жүзімнің 72,5 пайызы Түркістан облысының еншісінде. 

Мүмкін сізді қызықтыратын тақырыптар:

  • Шымкентте «Базар жастар лигасы» шарасы өтті
  • Конституция – адам бостандығы мен құқықтарының қорғаушысыАта Заң - Тәуелсіздік құндылығы!
  • Тура жолдан адаспау - басты мақсат
  • Сайрамды қылмыс деңгейі төмендеп келеді
  • Керуен жұмысы тиімділігін көрсетуде
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер