Елбасы Н.Назарбаев өзінің жарлығымен сыбайлас жемқорлықпен күрес бағдарламасын бекіткен. Бұл бағдарламаның басты мақсаты- сыбайлас жемқорлыққа белсене қарсы тұру арқылы ұлттық қауіпсіздікті қамтамасыз етуге бағытталған шаралар жүйесін одан әрі жетілдіру болып табылады. Сондықтан да, Елбасы алға қойып отырған осынау асқаралы міндеттерді жүзеге асыруға, халық арасында қатерлі дертке жол бермеуге баса назар аударылып отыр.Сондықтан да құлқынның қамын ойлаған кейбіреулердің теріс әрекеті бүкіл ұжымға кері әсерін тигізбеуі үшін сыбайлас жемқорлыққа қарсы бірлесіп ымырасыз күрескеніміз дұрыс.
Кентау қаласына қарасты, Хантағы ауылындағы А.С.Пушкин атындағы №6 жалпы орта мектебінде "Сыбайлас жемқорлыққа қарсы іс қимыл туралы" іс-шара жоспарына сәйкес "Сыбайлас жемқорлықпен күрес-ортақ парызымыз" атты іс-шара ұйымдастырылды. Онда сала мамандары мен ұстаздар қауымы оқушыларға жемқорлықтың өоғамға алып келер қауіптерін түсіндіріп, бойларын аулақ ұстауға шақырды.
Қазіргі таңда әлем назарын өзіне аударған қауіпті және өзекті мәселелердің бірі – сыбайлас жемқорлық екендігін айтып өткен сала мамандары, балаларды жас кезінен адал болуға шақырып, жемқорлықсыз қоғам құру жайында сөз қозғады.