Жетісайда шағын кәсіпкерлікке жағдай жасалуда

Screenshot_5.jpg

Ағымдағы жылы Жетісай ауданында 7 мақта зауыты тоқтаусыз жұмыс істеді. Яғни бұл зауыттар ақ алтынды қабылдап алып, қайта өңдеу ісіне мән беріп келеді. Бұл жөнінде аудан әкімінің баспасөз қызметі хабарлайды. 

Сондай-ақ, өңірде мақтаны қайта өңдеуден өткізетін шағын цехтар да жұмысын жандандыру үстінде. Солардың бірі – Жетісай ауданы Қызылқұм ауыл округі Жалпаққұм ауылындағы жеке кәсіпкер Өмірзақ Махамбетовтің мақта түту цехы. Аталған шағын цех 2015 жылы іске қосылған. Бүгінде мұнда мақта және жүн түтуге арналған 5 қондырғы жұмыс істеп тұр. 

–2015 жылы отбасымызбен осы кәсіпті ашу үшін «Каспий» банктен 3,5 млн теңге несие алдық. Қазіргі айлық табысымыз жаман емес. Мақта жинау науқанында жұмысымыз жақсы жүреді. Қыстың күндері сұраныстар саябырсиды. Десек те, жұмысымыз жүйелі. Алдағы уақытта үйімізге жақын маңнан 50 соттық жер телімін алып, цехымызды үлкейтсек деп отырмыз, – дейді Өмірзақ Махамбетов.  

Шағын цехтың өнімдерін негізінен Жетісай ауданының тұрғындары тұтынады екен. Көрпе-жастыққа, қыз жасауына қажетті мақта өнімдерінің бәрі осында әзірленеді. 5 балашағалы отбасын асырап отырған шағын цехтың қазіргі орналасқан жерінің құжаттары жоқ екен. Осы олқылықтың орнын толтыру үшін Махамбетовтер отбасы Қызылқұм ауыл округінің әкімдігінен кәсіпкерлік мақсатында жер теліміне сұраныс жолдаған. Әкімдіктегілер бұл мәселені жақын арада шешіп беруге тырысамыз деп отыр.

Мүмкін сізді қызықтыратын тақырыптар:

  • Шымкентте «Базар жастар лигасы» шарасы өтті
  • Конституция – адам бостандығы мен құқықтарының қорғаушысыАта Заң - Тәуелсіздік құндылығы!
  • Тура жолдан адаспау - басты мақсат
  • Сайрамды қылмыс деңгейі төмендеп келеді
  • Керуен жұмысы тиімділігін көрсетуде
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер