Бүгін Астанада өтіп жатқан экономикалық форумда мемлекет басшысы Нұрсұлтан Назарбаев ауқаттылар мен кедейлер арасындағы алшақтықты жою қажеттігін айтты. Бұл туралы NUR.KZ тілшісі хабарлайды.
Елбасы бұл ретте әлемде орын алып жатқан бірқатар мәселелерді атап өтті.
«Геосаяси тұрғысындағы тұрақсыздық, түрлі санкциялар – мұның бәрі түрлі елдердің көшбасшы атану үшін ойлап тапқан тәсілдері. Сол себепті, ауқаттылар мен кедей адамдардың табысы арасындағы алшақтықты азайту керек», — деді Нұрсұлтан Назарбаев.
Сондай-ақ, мемлекет басшысы әлемдегі ауқатты деген 62 адамның активтері бүгінде адамзат баласының жартысына жуығының әл-ауқатымен теңескенін атап өтті.
«Халықаралық сарапшылардың айтуынша, былтырғы жылы жасалған 80% әл-ауқаттың, яғни жағдайдың тек 1%-ы ғана тұрғындарға арнап жасалған екен.
Парадокс, бірақ адамдардың өмірін жақсартады деп күткен ғылыми-техникалық прогресс шын мәнінде байлар мен кедейлердің арасындағы алшақтықтың артуына әкеліп соқтырып отыр», — деді Нұрсұлтан Назарбаев.
Еске сала кетейік, аталмыш форум елордада мамырдың 17-19 аралығында өтеді деп жоспарланып отыр.