Ұлттық статистика бюросы 2024 жылдың төртінші тоқсанындағы жалақысы жоғары өңірлерді атады.
Көш басында тұрған аймақтар: Атырау облысы – 640 938 мың теңге, Маңғыстау облысы – 607 867 мың теңге, Астана қаласы – 604 104 мың теңге, Ұлытау облысы – 600 682 мың теңге, Алматы қаласы – 539 125 мың теңге.
Белгілі болғандай, тізімнен жалақысы төмен аймақтарды да көруге болады. Атап айтқанда, Түркістан облысы – 304 325 мың теңге, Жамбыл облысы – 313 073 мың теңге, Жетісу облысы – 314 398 мың теңге, Солтүстік Қазақстан облысы – 315 540 теңге, Шымкент қаласы – 330 193 мың теңге.
Ұлттық статистика басқармасы келтірген мәлімет бойынша 2023 жылдың сәйкес тоқсанымен салыстырғанда орташа айлық жалақының ең жоғары өсімі ақпарат және байланыс саласында – 32,8%-ға, ауыл, орман және балық шаруашылығы – 22,7%-ға және жылжымайтын мүлікпен операциялар – 20,3%-ға өскен.
Айта кетерлігі, былтырғы жалақысы жоғары салаларға қаржы және сақтандыру қызметі - 943 931 теңге, тау-кен өндіру өнеркәсібі және карьерлерді қазу - 904 963 теңге, ақпарат және байланыс - 798 337 теңге, кәсіби, ғылыми және техникалық қызмет - 697 905 теңге, өнеркәсіп - 618 523 теңге жатады.
Былтырғы төртінші тоқсанында орташа номиналды жалақы (шағын кәсіпкерлік субъектілерін есепке алмағанда) 434 982 теңге болды. Бұл көрсеткіш 2023 жылмен салыстырғанда 10,5%-ға өскен.