Өзбекстан парламенті жаңа заң жобасын мақұлдады. Енді кітап оқығаны үшін сотталушылардың жаза мерзімі қысқаруы мүмкін. Жазасын өтеушілердің қолына кітап алуы олардың моральдық тұрғыда түзелуіне ықпал етеді, деп есептейді депутаттар.
Бір кітапты оқып, сол кітап бойынша емтиханды сәтті тапсырған азаматтардың жаза мерзімі 3 күнге қысқарту жоспарланған. Жаңа заң жобасы сенаттың қарауына жіберілген.
Заң жобасында шектеулер де бар, оған сәйкес сотталғандар жылына 10 кітаптан көп шығарма оқып, емтихан тапсыра алмайды. Сондай-ақ оқуға болатын әдебиеттердің тізімі де мемлекеттік ұйым бекітеді. Сарапшылардың пайымынша, жаңа заң жобасы сотталғандардың өмірі мен көзқарасына оң әсер етеді.