Мәдениет және ақпарат министрі Үкімет үйінде Дженнифер Лопестің концертіне қатысты ойын және шетелдік жұлдыздар концерттерін ұйымдастыратын коммерциялық ұйымдарды қолдайтынын жеткізді деп хабарлайды RGmedia.kz тілшісі.
"Министр ретінде мені бизнестің осы ұйымдастырумен айналысатыны қуантады және біз бұл бастамаларды барынша қолдаймыз. Әрине, бізде ондай қаражат жоқ, сондықтан олардың бастамаларына қолдау көрсетеміз. Мен Дженнифер Лопестің концертіне барғым келеді. Себебі, оның үлкен аудиториясы бар, әрі бүкіл әлем мойындаған таланты бар. Концертті көргім келеді, сол үшін билет сатып алдым және балаларыммен бірге баруды жоспарлап отырмын", — деді министр.