Ғылым және жоғары білім министрі Саясат НұрбекАстанада Назарбаев Университеті жатақханаларының бірінде қайтыс болған қыздың денесіне қатысты пікір білдірді, деп хабарлайды RGmedia.kz тілшісі.
"Әзірге тергеу жұмысына уақыт беруіміз керек. Ресми ақпарат шыққан жағдайда барлығын береміз. Әзірше ата-анасынан жеке ақпараттарды таратпау бойынша үлкен өтініш бар. Назарбаев университетінің басшылығына байланысты шара тергеу біткеннен кейін анықталады. Толық ақпаратты береміз. Қазір құқық қорғау органдары айналысып жатыр", - деді министр Сенат кулуарында.