Сирияда бірнеше қазақстандықты өлім жазасына кесті – ҰҚК

5221221.jpg

Сирияда бірнеше қазақстандық өлім жазасына кесілген. Бұл туралы Ұлттық қауіпсіздік комитетінің департамент басшысы Бақытбек Рахымбердиев сыртқы істер министрлігінде өткен баспасөз конференциясында мәлімдеді, деп хабарлады Sputnik Қазақстан тілшісі.  

Оның айтуынша, шетелдік алдап-арбаушылар біздің азаматтарымызды Интернет арқылы тарта бастаған.

"Бұл насихат әлеуметтік желілерде жүргізілді. Олар ондағы жұмақ өмір жайлы баяндайды. Адамдарды онда бәрі әділетті, барлық діни қағидалар сақталады деп қызықтырған ", — деді Рахымбердиев.

Ол қазір ұрыс алаңдарында – Сирия, Ирак және Ауғанстанда 380-ге тарта қазақстандық бар екенін атап өтті. 

"Көбісі – әйелдер, олармен бірге 400-500 бала тұрып жатыр. Олар онда жағдай мүлде олай емес екеніне көз жеткізді, ешқандай әділдік жоқ. Ол жақта мұсылман мұсылманмен, бір топ екіншісімен соғысып жатыр", — деп толықтырды Бақытбек Рахымбердиев.

Департамент басшысының айтуынша, ол жаққа бір барған соң, қайта шығуға мүмкіндік жоқ.

"Ондай қадамға барғаны үшін ажал құшуы да мүмкін. Біздің бірнеше азаматымыз қашқаны үшін өлім жазасына кесілді деген мәлімет бар", — деп түйіндеді Рахымбердиев.  

Мүмкін сізді қызықтыратын тақырыптар:

  • Түркістан облысында кеурек өсімдігін қазған 68 шетелдік анықталды
  • Қуандық Бишімбаевқа түрмеде әлі жұмыс табылмаған
  • Қазақстандықтардың орташа жасы – 32,3 жас
  • Президент қазақстандықтарды Судья және сот қызметкері күнімен құттықтады
  • Министр Назарбаев университетінде қайтыс болған қызға байланысты пікір білдірді
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер