Инара Намазбаева -Түркістан қаласы "Қуаныш" ЖСН-нің директоры:
Дүрбелең сәтте кез-келген жылы сөз жаныңа жағады екен. Мемлекет басшысы күні кеше бізге соны дәлелдеді. Әсіресе, осындай індет таралған сәтте әбіргерге түскен халықтың әл-ауқатының төмендеуінің алдын-алу үшін атқарылатын қыруар жұмыстарды тізбектеп бергені – сенімді молайтып, күдікті сейілтті. Осындай кезеңде жұмыс істеу процесі қиындаған кәсіп иелері, жәрдемақы ала-алмай қаламыз ба деп уайымдаған халық, уақытша жұмысынан айырылған азматтардың барлығын да Мемлекет қамқорлықсыз қалдырмайтын болды. 1 қазанға дейінгі аралықта шағын және орта бизнес өкілдерін еңбекақы төлеу қорынан ұсталатын салықтан босатуы – қиын кезеңде кәсібін дөңгелетіп отырған кәсіпкерлерге тамаша мүмкіндік болды. Бұл, жұмыс қарқыны бәсеңдеген кәсіп иелерінің халыққа ұсынатын қызметінің табысты, сапалы жалғасуына үлкен көмек болары сөзсіз. Енді біздің алдымызда Мемлекет тарапынан берілетін барлық көмектерді алып, аурудан сақтанудың барлық шараларын орындап, тұтастай Қазақстан елінің амандығына үшін үйден шықпай ықпал ету мүмкіндігі тұр.
