Селден зардап шеккен тұрғындар баспаналы болды

Screenshot_36.jpg

ҚР Конституциясы күні қарсаңында Түркістан облысы, Төлеби ауданындағы үйлерін тасқын су шайып кеткен 42 отбасына жаңа үйлердің кілті тапсырылды. Тұрғындардың қуанышымен бөліскен Түркістан облысының әкімі Өмірзақ Шөкеев бірнеше үйді аралап шығып, баспана иелерін жаңа қонысымен құттықтады.

«Бүгін міне, жаңа үйге қоныс аударып, қоныс тойын жасап жатырсыздар. Ерте көктемде болған табиғи апат әбігерге салып, біраз қиындық туғызған болатын. Оның бәрі артта қалып, өздеріңіз табалдырығын жаңа аттаған баспаналарыңыз берекелі, қыдыр қонған үлкен үйге айналсын дегім келеді»,-деді облыс әкімі Өмірзақ Шөкеев. 

Биыл көктемде қатты жауын-шашын салдарынан су арналары тасып, Төлебиде сел орын алған болатын. Салдарынан бірнеше үйді су басып, зақымданды. Облыс әкімі Өмірзақ Шөкеевтің тапсырмасына сәйкес, шұғыл штаб құрылып, аудандағы 42 үй жарамсыз деп танылды. Жаңа баспаналардың құрылысы қарқынды жүргізілді. Айта кетерлігі, аталған баспаналардың 17-сі – Леңгір қаласында, 2-і – Киелітас, 22-сі – Сұлтан-Рабат, 1-і – Ынтымақ ауылдарында соғылды. Баспаналардың жалпы аумағы – 2640 шаршы метр. Құрылысты 9 мердігер мекеме жүргізді. 

Нөсер жауынның салдарынан су тасқыны кезінде үйлер мен жолдарды су басып, Жоғарғы Қасқасу елді мекеніндегі «Қасқасу» өзені бойында орналасқан 4 көпірді де су шайып кеткен еді. Тұрғындардың ауыл арасында қатынаулары үшін өткелдер екі тәуліктің ішінде толығымен қайта қалпына келтірілген. Тиісті қаражат бөлініп, жарамсыз күйге түскен үш көпірдің құрылысы толық аяқталды. 


Мүмкін сізді қызықтыратын тақырыптар:

  • Ақша аударымдары мен QR төлемдері: Қазақстанда жаңа ереже қашан күшіне енеді
  • Түркістан облысының әкімі өзбекстандық инвесторлармен кездесті
  • Елімізде сарбаздарға кредит беруге тыйым салу механизмі әзірленді
  • Әлемдік рейтингіде Қазақстанның университтері қалай бағаланып жүр
  • Президент бір аптада 3 ірі жиын, 8 кездесу өткізді — Руслан Желдібай
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер